Серада, 28.06.2017, 22:10

ПЕРАДЗЕЛ


ПЕРАДЗЕЛ (Передел - русс.) — вёска ў складзе Агарэвіцкага с/с, за 14 км на паўночны ўсход ад горада і чыгуначнай станці Ганцавічы (на лініі ЛунінецБаранавічы). 33 жыхары (14.10.2009 г.).


Просмотреть Населеныя пункты Ганцавіцкага раёна на карте большего размера

Перадзел, Ганцавіцкі раён
Уезд з боку вёскі Кукава

У пачатку 20 ст. — фальварак Круговіцкай воласці Слуцкага павета Мінскай губерні, у 1909 г. 104 жыхары. У лістападзе 1917 г. ўстаноўлена савецкая ўлада. У лютым 1918 г. акупіраваны германскімі войскамі, з сакавіка 1919 г. — войскамі Польшчы. Савецкая ўлада аднаўлялася ў пачатку 1919 г. і ліпені — жніўні 1920 г.

З сакавіка 1921 г. ў складзе Польшчы, у верасні 1921 г. — калонія Круговіцкай гміны Лунінецкага павета Палескага ваяводства, 71 дом, 437 жыхароў.

З 1939 г. ў БССР, з 15.01.1940 г. ў Ганцавіцкім раёне Пінскай вобласці, з 12.10.1940 г. ў Агарэвіцкім с/с. У 1940 г. 92 двары, 526 жыхароў.

У Вялікую Айчынную вайну з канца чэрвеня 1941 г. да пачатку ліпеня 1944 г. акупіраваны нямецка-фашысцкімі захопнікамі. На франтах вайны загінулі ў баях ці прапалі без вестак 11 вяскоўцаў. На месцы згубы мірных жыхароў на паўночнай ускраіне вёскі устаноўлены помнік і крыж.

Перадзел, Ганцавіцкі раён
Месца згубы мірных жыхароў

З 08.01.1954 г. ў Брэсцкай вобласці. Паводле перапісу 1959 г. вёска, 307 жыхароў. З 25.12.1962 г. да 30.07.1966 г. ў Ляхавіцкім раёне. Паводле перапісу 1970 г. 241 жыхар.

Перадзел, Ганцавіцкі раён
Перадзел, Ганцавіцкі раён
Перадзел, Ганцавіцкі раён

Планіровачна складаецца з моцна выцягнутай зігзагападобнай вуліцы з рэдкай двухбаковай забудовай, арыентаванай з паўднёвага захаду на паўночны ўсход.
Падрыхтавана паводле кнігі Гарады і вёскі Беларусі: Энцыклапедыя ў 15 тамах. Т. 3, кн. 1. Брэсцкая вобласць / пад навук. рэд. А. І. Лакоткі. — Мн.: БелЭн, 2006.


Меню
Відэаканал GantsRegion
Уваход

Пошук
Катэгорыі раздзелу
Публікацыі [247]
Каталог файлаў [96]
Малая краязнаўчая энцыклапедыя [115]
Культура [135]
Адукацыя [12]
Спорт [419]
Здарэнні [106]
Грамадства [224]
Эканоміка [10]
Транспарт [65]
Блог [6]
Падарожнічаем разам [6]
Каляндар
«  Чэрвень 2017  »
ПанАўтСерЧацПятСубНяд
   1234
567891011
12131415161718
19202122232425
2627282930
Хто тут?
Анлайн усяго: 1
Гасцей: 1
Карыстальнікаў: 0

Статыстыка і партнёры
Каталог TUT.BY Яндекс цитирования Museum.by
Тэгi

Шаноўныя сябры!

Калі вы маеце нейкую інфармацыю пра гісторыю, культуру, этнаграфію Ганцаўшчыны і хацелі б яе змясціць у сеціве,
вы можаце звязацца з намі напісаўшы ў форму зваротнай сувязі.