Панядзелак, 23.10.2017, 12:51

РАЗДЗЯЛАВІЧЫ


РАЗДЗЯЛАВІЧЫ (Раздяловичи - русс.) — вёска ў складзе Хатыніцкага с/с, за 27 км на паўднёвы захад ад горада і чыгуначнай станцыі Ганцавічы (на лініі ЛунінецБаранавічы), на рацэ Бобрык (прыток р.Прыпяць) і аўтадарозе Выганашчы — Хатынічы, каля Раздзялавіцкага вадасховішча. 1385 жыхароў (14.10.2009 г.), на сакавік 2015 года 1347 жыхароў.



Раздяловичи, Раздзялавічы
Раздзялавічы, Раздяловичи
Уезд у вёску з боку Хатыніч

Раздзялавічы, Раздяловичи, Бобрик, Бобрык
Рака Бобрык

Раздзялавічы, Роздяловичи
Вадасховішча Раздзялавічы

Паводле пісьмовых крыніц Раздзялавічы вядомы з 16 ст. як сяло ў Новагародскім ваяводстве ВКЛ. У 1589 г. князь М.К. Радзівіл падараваў вёску нясвіжскім езуітам. Пасля 2-га падзелу Рэчы Паспалітай з 1793 г. ў складзе Расійскай імперыі; сяло (ці паводле іншых крыніц вёска) Хатыніцкай воласці Пінскага павета Мінскай губерні, уласнасць Радзівілаў, потым Патоцкіх. У 1886 г. сяло, 29 двароў 314 жыхароў, дзейнічала праваслаўная царква, прыпісаная да Хатыніцкага праваслаўнага прыхода. Паводле перапісу 1897 г. вёска, 34 двары, 574 жыхары, праваслаўная царква, хлебазапасны магазін, піцейны дом.

З сакавіка 1921 г. ў складзе Польшчы, вёска Хатыніцкай гміны Лунінецкага павета Палескага ваяводства, у верасні 1921 г. 109 дамоў 488 жыхароў.

З 1939 г. ў складзе БССР. 3 15.01.1940 г. ў Ганцавіцкім раёне Пінскай вобласці, з 12.10.1940 г. ў Хатыніцкім с/с. У 1940 г. — 188 двароў, 873 жыхары, створаны калгас «17 Верасня».

У Вялікую Айчынную вайну з 30.06.1941 г. да 07.07.1944 г. вёска акупіравана нямецка-фашысцкімі захопнікамі. На франтах вайны загінулі ў баях з ворагам ці прапалі без вестак 23 воіны-землякі.

З 08.01.1954 г. ў Брэсцкай вобласці. Паводле перапісу 1959 г. 688 жыхароў. У 1962-66 гг. у Ляхавіцкім раёне. Паводле перапісу 1970 г. 1420 жыхароў.


Цэнтральная вуліца вёскі


Пратэстанцкая царква

Раздзялавічы, Раздяловичи
Сярэдняя школа

Раздяловичи, Раздзялавічы
Прыдарожныя крыжы

Раздзялавічы, Раздяловичи
Раздяловичи, Раздзялавічы
У саміх Раздзялавічах і наваколлі яшчэ стаяць дубы з калодамі для пчол

У вёсцы сярэдняя школа, дзіцячыя яслі-сад, Дом культуры, бібліятэка, аддзяленне сувязі, гандлёвы цэнтр, комплексны прыёмны пункт бытавога абслугоўвання насельніцтва, фельчарска-акушэрскі пункт, млын, ветэрынарны пункт.


Аснову забудовы складае прамалінейная, двухбакова забудаваная вуліца, арыентаваная з захаду на ўсход, да яе ў цэнтры з паўночнага боку прымыкаюць 2 вуліцы (арыентаваныя з поўдня на паўночны ўсход і з паўднёвага захаду на паўночны ўсход), а таксама некалькі завулкаў і адасобленых участкаў забудовы.

Раздзялавічы, Раздяловичи
Месца гібелі Івана Васільевіча Новікава

Раздзялавічы, Раздяловичи
Помнік ахвярам фашызму


Каля Раздзялавічаў 2 помнікі Вялікай Айчыннай вайны — абеліск на месцы гібелі Івана Васільевіча Новікава, які загінуў ў паветраным баі ў 1941 г., і помнік ахвярам фашызму на месцы знішчэння 2 савецкіх воінаў і 5 мірных жыхароў, што загінулі ад рук акупантаў. Абодва абеліскі ўстаноўлены ў 1975 г.
Падрыхтавана паводле кнігі Гарады і вёскі Беларусі: Энцыклапедыя ў 15 тамах. Т. 3, кн. 1. Брэсцкая вобласць / пад навук. рэд. А. І. Лакоткі. — Мн.: БелЭн, 2006.


Меню
Відэаканал GantsRegion
Уваход

Пошук
Катэгорыі раздзелу
Публікацыі [249]
Каталог файлаў [96]
Малая краязнаўчая энцыклапедыя [115]
Культура [136]
Адукацыя [13]
Спорт [464]
Здарэнні [116]
Грамадства [233]
Эканоміка [10]
Транспарт [66]
Блог [6]
Падарожнічаем разам [9]
Каляндар
«  Кастрычнік 2017  »
ПанАўтСерЧацПятСубНяд
      1
2345678
9101112131415
16171819202122
23242526272829
3031
Хто тут?
Анлайн усяго: 3
Гасцей: 3
Карыстальнікаў: 0

Статыстыка і партнёры
Каталог TUT.BY Яндекс цитирования Museum.by
Тэгi

Шаноўныя сябры!

Калі вы маеце нейкую інфармацыю пра гісторыю, культуру, этнаграфію Ганцаўшчыны і хацелі б яе змясціць у сеціве,
вы можаце звязацца з намі напісаўшы ў форму зваротнай сувязі.