АДРЫНА,
пуня — 1) гаспадарчая пабудова для захоўвання сена, саломы, a таксама сельскагаспадарчага інвентару. Лакальная назва пуня. У некаторых фальварках у адрыне малацілі збожжа. Паводле функцыянальнага прызначэння займала сярэдняе месца паміж
гумном і хлявом. Памерамі, знешнімі формамі і канструкцыйнымі асаблівасцямі не адрознівалася ад хлявоў.
Ставілі адрыну на прыгуменні або непасрэдна ў агульным комплексе гаспадарчых пабудоў. Часам мела падлогу з плашчакоў. Назва «адрына». зафіксавалася на Гродзеншчыне, Гомельшчыне і ў цэнтральнай частцы Беларусі. На Магілёўшчыне адрынай называлі сянніцай, у некаторых раёнах Брэстчыны — сельніцай.
2) Да 17 ст. спальня ў жылым памяшканні або халодны будынак, дзе жылі летам.