АНТЫТЭЗА (ад грэч. проціпалажэнне) – рэзкае супастаўленне кантрастных ці супрацьлеглых паняццяў, што ўтварае адзінае структурна-лагічнае цэлае. Выяўляецца праз паралелізм, праз антонімы. Здаўна выкарыстоўвалася ў фальклоры (прыказка «Лепей з разумным згубіць, чым з дурнем знайсці»), у мастацкай літаратуры, у публіцыстыцы, аўтарскіх прамовах, часамі нават ужываецца ў загалоўку.
На прыёмах антытэзы пісалі многія свае творы пачынальнікі новай беларускай літаратуры:
Францішак Багушэвіч («Бог не роўна дзеліць»),
Якуб Колас («Асадзі назад!»),
Максім Багдановіч («Я хлеба ў багатых прасіў і маліў»).