АРСЕНАЛ (франц. arsenal, італ. arsenale ад араб. дар ас-сінаа — майстэрня),
цэйхгауз (ням. Zeughaus ад Zeug зброя + Haus дом) — будынак, прызначаны для захавання зброі і боепрыпасаў, часткова для іх вырабу і рамонту.
На Беларусі ўзводзіліся ў гарадах, буйных
замках і сядзібна-палацавых комплексах. Гэта былі вялікія драўляныя ці мураваныя 1- або 2-павярховыя будынкі. У іх вылучаліся памяшканні, дзе захоўваліся неабходныя для абароны гарматы, ручныя стрэльбы, халодная зброя, запасы пораху, ядраў, куль і г. д. У невялікіх шляхецкіх сядзібах функцыі арсенала выконвалі
лямусы, скарбніцы.