АЎСТЭРЫЯ (італ. osteria) — багаты заезны дом. Вядома з 16 ст. (Гродна і інш.). Вельмі пашырана з 18 ст. (Глуск, Паставы і інш.). Размяшчалася звычайна ў цэнтры горада ці мястэчка, каля рынку. Будавалі з дрэва або каменю; у плане мела ў асноўным форму прамавугольніка. Акрамя пакояў, была зала з лавамі, размешчанымі паўкругам ля каміна (звычайна глінянага). Мела таксама хлебную печ. Іншы раз да аўстэрыі прыбудоўвалі стайню.