БАРАНЬСКАЯ СПАСА-ПРААБРАЖЭНСКАЯ ЦАРКВА – вядомая з 1704 г. як помнік драўлянага дойлідства ў вёсцы (пазней горад)
Барань Аршанскага раёна, у другой палове XIX ст. перабудоўвалася.
Бараньская Спаса-Праабражэнская царква, якая зараз знаходзіцца
ў Беларускім дзяржаўным музеі народнай архітэктуры і побытуСучасная Спаса-Праабражэнская царква ў Барані
Высокая, амаль квадратная, накрытая 4-схільным дахам, завершаным 8-граннай
вежачкай з купалком. Ніжэйшая 5-гранная
апсіда накрыта шматсхільным дахам. Зрубы з трох бакоў маюць невысокую абходную
галерэю. Галоўны ўваход вылучаны
ганкам. Сцены вертыкальна ашаляваныя дошкамі з нашчыльнікамі. Усярэдзіне асноўны аб'ём перакрыты самкнёным скляпеннем. Ахоўваецца дзяржавай. Перавезена ў 1989 годзе ў
Беларускі дзяржаўны музей народнай архітэктуры і побыту.