БРАСЛАЎ – горад, цэнтр Браслаўскага раёна, на паўночным беразе возера Дрывяты. За 220 км ад Віцебска.


На 1995 год было каля 11 тысяч чалавек. Заснаваны на месцы былога паселішча крывічоў і латгалаў, у гістарычных дакументах упамінаецца пад 1065 годам як Браславль, Браславль Завельскі. З пачатку XIV ст. ва ўладанні вялікага князя ВКЛ.

У XV ст. цэнтр павета Віленскага ваяводства. У 1500 г. горад набыў прывілей на магдэбургскае права, у 1792 г. – герб. У XVІ – ХVІІ стст. важнае значэнне меў Браслаўскі замак.

У XIX ст. мястэчка, цэнтр воласці Браслаўскага павета, у 1921 – 1939 гадах у складзе Польшчы, цэнтр павета Віленскага ваяводства.

З 1939 г. у складзе БССР, з 1940-га цэнтр раёна Вілейскай вобласці. З 27 чэрвеня па 6 ліпеня 1944-га акупаваны нямецка-фашысцкімі захопнікамі, якія загубілі ў Браславе і раёне 5456 чалавек



Ёсць прадпрыемствы харчовай, лёгкай прамысловасці і сацыяльна-бытавога абслугоўвання, гісторыка-краязнаўчы музей, з помнікаў архітэктуры – Мікалаеўская царква, Браслаўскі касцёл; археалагічны помнік – гарадзішча.