БРЭСЦКАЯ ДРУКАРНЯ – першая на беларускіх землях установа гэтага тыпу, што дзейнічала ў 1550 – 1570 гг. пад апекай канцлера ВКЛ і старосты брэсцкага Мікалая Радзівіла Чорнага.

Вядомыя некаторыя друкары і кнігавыдаўцы. Многія выданні друкаваліся фарматам кніг Францыска Скарыны. Афармляліся рэнесанснай графікай, наборным арнаментам, гатычнымі шрыфтамі, застаўкамі, канцоўкамі і г.д. Друкарня выдала больш за 40 рознатэмных твораў на польскай і лацінскай мовах, у ліку якіх і вядомая Брэсцкая біблія (1563).