БУЖАНЕ – усходнеславянскае племя альбо саюз плямён, якое ў VІ – ІХ стст. засяляла басейн Заходняга Буга па суседству з
валынянамі і мазаўшанамі. Земляробнічалі, гадавалі жывёлу, бортнічалі, займаліся рознымі рамёствамі. Мелі звыш 230 замкаў.
З X ст. у складзе Кіеўскай Русі. З XIII ст. за іхнімі землямі замацавалася назва Падляшша. Некаторыя даследчыкі XIX ст. атаясамлівалі іх з валынянамі, палешукамі.