БУЙЛО (БУЙЛА) Канстанцыя (1898 – 1986 гг.) – беларуская паэтэса. Скончыла настаўніцкія курсы ў Вільні, працавала настаўніцай, загадчыцай кнігарні ў Полацку. Першыя вершы апублікавала ў юным узросце (1909 г.) у газеце «Наша ніва», а ў 1914 г. выдала першы зборнік паэзіі «Курганная кветка». Адзін з яе ранніх вершаў «Люблю» («Люблю наш край, старонку гэту...») стаў любімай беларускай песняй (кампазітар М.Равенскі).
З 1923 г. жыла ў Маскве. У дарэвалюцыйнай паэзіі – роздум пра цяжкі лёс беларускага селяніна, у савецкай – любоў да Радзімы, да яе людзей і прыроды. У 1981 г. у Мінску выйшаў двухтомнік яе выбраных твораў, куды ўвайшло лепшае з напісанага больш чым за паўстагоддзе. Памерла ў Маскве, пахавана на радзіме, у в.Вішнева Валожынскага раёна.
Калі вы маеце нейкую інфармацыю пра гісторыю, культуру, этнаграфію Ганцаўшчыны і хацелі б яе змясціць у сеціве,
вы можаце звязацца з намі напісаўшы ў форму зваротнай сувязі.