БЫЛІННЫ ВЕРШ (быліна – руская эпічная песня пра подзвігі асілкаў) – старажытная форма народнага сказавага верша. Засведчыўся ў былінах і гістарычных песнях у розных відах.
У беларускім фальклоры найчасцей мае запазычаны характар, а беларускія паэты выкарыстоўвалі яго, каб падкрэсліць гістарычны фон і тон (Я.Купала «Гарыслава»,
Максім Багдановіч «Максім і Багдалена», «Страцім-лебедзь» і інш.), дзе аўтарскія мастацкія творы свядома набліжаныя да народнай песеннасці.