БЯЛЫНІЦКІ-БІРУЛЯ Вітольд Каятанавіч (1872 г., сядзіба Крынкі Бялыніцкага р-на – 1957 г.) – беларускі жывапісец-пейзажыст. Народны мастак Беларусі і Расіі, ганаровы акадэмік АН Беларусі. Вучыўся ў Маскоўскім вучылішчы жывапісу, скульптуры і дойлідства (1889 – 1896 гг.), быў членам розных мастацкіх згуртаванняў. У любімым ім жанры пейзажу выявіў глыбокую назіральнасць, лірычнасць, тонкі разлік кампазіцыйнай пабудовы, яркае спалучэнне рознакаляровасці (карціны «Зноў расцвіла вясна», «Беларусь. Пачатак лета», «Лясная рэчка зімой», «Аголеныя бярозкі», «Пачатак восені»).
Аўтар шматлікіх артыкулаў, кнігі ўспамінаў «З запісак мастака». У
Бялынічах і ў
Магілёве ёсць прысвечаныя яму музеі. У яго гонар на Магілёўшчыне ўжо шмат гадоў праводзяцца Міжнародныя пленэры. Пахаваны ў Маскве на Новадзявочых могілках.