ВАЦЛАЎ з Шамотул (Шматульчык, Шматульскі; 1533 г. ці 1534 г., г.Шаматулы (Польшча) – 1567 г. ці 1566 г.) – польскі паэт, кампазітар, яркі прадстаўнік польскага музычнага Адраджэння, майстра паліфанічнага стылю асарреllа.
Блізка далучаўся да беларускай культуры. З 1555 г. працаваў у Радзівіла Чорнага. Напісаў нямала літургічных твораў, у тым ліку імшы, матэты, шматгалосыя песні.
Даследчыкі лічаць найбольш каштоўным у яго творчасці матэты, якія вылучаюцца гуманістычным зместам, шырокім выкарыстаннем імітацыйнай тэхнікі, сувяззю з нацыянальнай народнай песеннасцю. Некаторыя яго мелодыі выдадзены ў Брэсце ў 1558 г., яго твор «Змяркаецца» ў свой час выконваў хор хлопчыкаў Сярэдняй спецыяльнай музычнай школы пры Беларускай кансерваторыі ў Мінску (цяпер Рэспубліканскі вучэбны комплекс гімназія-каледж пры Беларускай дзяржаўнай акадэміі музыкі).
Калі вы маеце нейкую інфармацыю пра гісторыю, культуру, этнаграфію Ганцаўшчыны і хацелі б яе змясціць у сеціве,
вы можаце звязацца з намі напісаўшы ў форму зваротнай сувязі.