ВЕРХНЯДЗВІНСК (да 25 снежня 1962 г. Дрыса) – горад, цэнтр (з 1962 г.) Верхнядзвінскага раёна, у сутоку Заходняй Дзвіны і Дрысы. Летапісная назва – Дрысь, Дриса, Дриса). Узнік як ваеннае паселішча Полацка.


У 1386 г., у часы міжусобіцы ў ВКЛ, спалены А.Полацкім. З XVI ст. гандлёвы цэнтр на Заходняй Дзвіне. У 1563 – 1582 гг. быў ва ўладанні войск Івана Грознага. З 1772 г. у складзе Расіі, цэнтр павета.

У 1897-м было 4238 насельнікаў.



Здаўна шырока вядома Верхнядзвінскае народнае ручное ўзорыстае ткацтва. Асаблівасцю яго з'яўляецца традыцыйнае спалучэнне чорнага з малінавым, чорнага з белым, чорнага з чырвоным, чорнага з аранжавым колераў. Узоры – «у дымкі», «у ромбы», «у кругі» і інш.