ВОРАНАВА – гарадскі пасёлак, цэнтр Воранаўскага раёна. За 133 км ад Гродна, на 1995 г. каля 7000 чалавек.



Упамінаецца ў пісьмовых дакументах з XVI ст. Старажытная назва Балотна ад ракі Балатнянка (цяпер ручай). На карце Т.Макоўскага (1613) мястэчка.

У ХVІ – ХVІІІ стст. належала Гаштольдам, Сцыпіёнам, Зарэцкім. У 1735 – 1755-х гг. у Воранаве працавала школа і калегіум піяраў.


З 1921 г. паводле Рыжскага міру урад Савецкай Расіі з маўклівай згоды урада БССР перадаў Воранава Польшчы. З 1939-га ў складзе БССР.


З 23 чэрвеня 1941-га па 11 ліпеня 1944-га акупавана нямецка-фашысцкімі захопнікамі, якія загубілі тут больш за 2 600 чалавек.