ВЯЗАННЕ – спосаб стварэння вырабаў з суцэльных нітак выгінаннем іх у пятлі, што пераплятаюцца паміж сабой уздоўж і ўпоперак, адзін з відаў дэкаратыўна-прыкладнога мастацтва.
Для вязання выкарыстоўваюцца ніткі шарсцяныя, баваўняныя, з хімічных валокнаў, мяшаныя. Ёсць вязанне ручное і машыннае. Ручное вязанне шырока выкарыстоўвалася ў побытавым сельскім і гарадскім асяроддзі, выконвалася драўлянымі, металічнымі, касцянымі, а пазней пластмасавымі пруткамі ці кручкамі. У Беларусі шырока выславіўся такі від вязання, як
карункі (сурвэткі, рукавіцы, шкарпэткі, панчохі,
абрусы, накідкі на ложкі і інш.) Пазней, з пачатку XX ст., пашырыліся і іншыя віды вязання.