ГАРАДЗЕЯ – гарадскі пасёлак у Нясвіжскім раёне, на р.Гарадзейка. За 14 км ад Нясвіжа, чыгуначная станцыя на лініі Мінск – Баранавічы – Брэст, на аўтадарозе Нясвіж – Навагрудак.


Напрыканцы XX ст. было крыху звыш 5 тысяч чалавек. У XIX ст. на яе месцы была вёска пад назвай Горная Гарадзея, яна была цэнтрам Гарадзейскай воласці Наваградскага павета.


З 1921 г. у складзе Польшчы, цэнтр гміны Нясвіжскага павета. З 1939-га ў БССР, з 12 кастрычніка 1940 г. гарадскі пасёлак. З канца чэрвеня 1941-га да 4 ліпеня 1944-га пад нямецка-фашысцкай акупацыяй.


Ёсць ільнозавод, цукровы камбінат, прадпрыемствы мясцовай прамысловасці.