ГЛЫБОКАЕ – горад, цэнтр Глыбоцкага раёна. За 200 км ад Віцебска. Чыгуначная станцыя на лініі Крулеўшчына – Варапаева, на аўтадарозе Полацк – Вільня. У межах горада азёры Кагальнае і Вялікае. У 1995 г. было 18,4 тысячы насельнікаў.


Упершыню ўзгадваецца ў дакументах ў 1414 г. Належала Зяновічам, Корсакам, Радзівілам, Вітгенштэйнам. З XVI ст. мястэчка. Тут у XVI – XVIII стст. быў Глыбоцкі замак, які быў дашчэнту спалены ў 1654-м у час бітвы войскаў ВКЛ і Маскоўскай дзяржавы. Пазней замак аднаўляўся, але зноў пацярпеў у перыяд Паўночнай вайны.

У канцы XVI – XVIII стст. заснаваны кальвінскі збор, касцёл св.Міхаіла і Троіцкі, Глыбоцкі касцёл і кляштар кармелітаў, царква Троіцы, Ільінская капліца, сінанога.


З 1793-га г. мястэчка Глыбокае ў складзе Дзісенскага павета Віленскага ваяводства, у 1921 – 1939 гг. у складзе Польшчы, з 1940-га горад.


У Глыбокім ёсць прадпрыемствы харчовай (малочна-кансервавы камбінат, мясакамбінат, кансервавы і камбікормавы заводы і інш.), мясцовай прамысловасці, працуе гісторыка-этнаграфічны музей.