Пятніца, 27.11.2020, 05:14

БОРКІ

Галоўная »
БОРКІ (Борки - русс.) — вёска ў складзе Любашаўскага с/с, за 7 км на паўночны захад ад горада і чыгуначнай станцыі Ганцавічы на лініі ЛунінецБаранавічы. 150 двароў, 237 жыхароў (14.10.2009 г.), на сакавік 2015 года 140 жыхароў, на 1 студзеня 2018 года 157 жыхароў.



Паводле перапісу 1897 года вёска Хатыніцкай воласці Пінскага павета Мінскай губерні, 17 двароў, 271 жыхар, працаваў хлебазапасны магазін. У 1909 годзе 43 двары, 328 жыхароў.

Уезд у Боркі з боку дарогі Ганцавічы - Хатынічы

Уезд у Боркі з боку вёскі Навасёлкі

З 1921 года ў складзе Польшчы, вёска Хатыніцкай гміны Лунінецкага павета Палескага ваяводства, 69 дамоў, 407 жыхароў. З 1939 года ў складзе БССР, з 1940 года вёска Агарэвіцкага (з 1954 года Любашаўскі) с/с Ганцавіцкага раёна Пінскай вобласці. У 1940 годзе 158 двароў, 587 жыхароў.

У Вялікую Айчынную вайну з 30.06.1941 года па 8.07.1944 года вёска акупіравана нямецка-фашысцкімі захопнікамі. 12.07.1942 года фашысцкія карнікі спалілі ў Борках восем двароў і загубілі 61 жыхара. На франтах вайны прапалі без вестак ці памерлі ад ран 20 воінаў-аднавяскоўцаў.

З 8.01.1954 года ў Брэсцкай вобласці, з 25.12.1962 года да 30.07.1966 года ў Ляхавіцкім раёне.

У вёсцы размяшчаюцца фельчарска-акушэрскі пункт, магазін.

Былы дом сацыяльна-культурных паслуг

Фельчарска-акушэрскі пункт

Магазін

Аснову забудовы складаюць дзве паралельныя вуліцы рознай даўжыні, арыентаваныя з паўночнага ўсходу на поўдзень, злучаныя ў паўночнай частцы вуліцай, арыентаванай з паўднёвага ўсходу на паўночны заход.

Вуліцы вёскі

На паўднёва-ўсходняй ускраіне вёскі, у скверы, знаходзіцца курган з помнікам землякам на ўшанаванне памяці землякоў, якія загінулі на франтах Вялікай Айчыннай вайны, і аднавяскоўцаў, загубленых нямецка-фашысцкімі карнікамі ў 1942 г. Курган насыпаны ў 1967 годзе, на яго вяршыні ўстаноўлены абеліск з мемарыяльным надпісам.


Помнік землякам

Брацкая магіла сям'і Мікалая Акімавіча Велька

Боркі, Брацкая магіла

Брацкая магіла, якая размяшчаецца па дарозе на вёску Навасёлкі

Побач з Боркамі размяшчаецца навукова-даследчая база «Журавінка» Батанічнага саду Нацыянальнай акадэміі навук Беларусі.

Будынак былой базавай школы

Падрыхтавана паводле кнігі Гарады і вёскі Беларусі: Энцыклапедыя ў 15 тамах. Т. 3, кн. 1. Брэсцкая вобласць / пад навук. рэд. А. І. Лакоткі. — Мн.: БелЭн, 2006.


Меню
Відэаканал GantsRegion
Уваход

Пошук
Катэгорыі раздзелу
Публікацыі [251]
Каталог файлаў [100]
Малая краязнаўчая энцыклапедыя [115]
Культура [163]
Адукацыя [20]
Спорт [925]
Здарэнні [242]
Грамадства [311]
Эканоміка [13]
Транспарт [95]
Блог [6]
Падарожнічаем разам [17]
Каляндар
«  Лістапад 2020  »
ПанАўтСерЧацПятСубНяд
      1
2345678
9101112131415
16171819202122
23242526272829
30
Хто тут?
Анлайн усяго: 1
Гасцей: 1
Карыстальнікаў: 0

Статыстыка і партнёры
Каталог TUT.BY Яндекс цитирования Museum.by
Тэгi

Шаноўныя сябры!

Калі вы маеце нейкую інфармацыю пра гісторыю, культуру, этнаграфію Ганцаўшчыны і хацелі б яе змясціць у сеціве,
вы можаце звязацца з намі напісаўшы ў форму зваротнай сувязі.