ГРАМНІЦЫ, Стрэчанне – зімовае свята народнага календара. Адзначаецца 15 лютага (па старым стылі — 2 лютага). Гэтая назва мае пачаткі ад язычніцкага бажаства Грамаўніцы (яе лічылі жонкай Перуна). Іншая назва, Стрэчанне, мае на ўвазе тое, што ў гэты час «сустракаюцца» зіма і лета («Грамніцы – скідай рукавіцы»).
Адно з двунадзесятых свят праваслаўя (апрача Грамніц, гэта у большасці прымеркаваныя да хрысціянскіх свят язычнікія святы:
Каляды,
Вадохрышча,
Дабравешчанне,
Вербніца,
Вялікдзень, Ушэсце, Сёмуха, Спас, Прачыстая, Раство Багародзіцы, Узвіжанне).
Царква стрэчанне звязала з евангельскім міфам аб сустрэчы Ісуса Хрыста, якога праз 40 дзён пасля нараджэння бацькі панеслі ў храм, і нібыта Сімяон прадказаў, што Ісус «выйдзе на служэнне выратавання людзей». Асноўным рытуалам было асвячэнне ў царкве грамнічных свсчак, якія вельмі шанаваліся ў народзе. Па гэтым дні меркавалі пра надвор'е вясной і летам. Пасля Грамніц сяляне пачыналі рыхтавацца да веснавых работ.