Серада, 23.08.2017, 22:26

ВОСТРАЎ


ВОСТРАЎ (Остров - русс.) — вёска ў Нацкім с/с, за 20 км на паўночны ўсход ад горада і чыгуначнай станцыі Ганцавічы на лініі ЛунінецБаранавічы, на правым беразе ракі Нача. 169 двароў, 338 жыхароў (14.10.2009 г.), на сакавік 2015 года 318 жыхароў.



Уезд з боку вёскі Гута

У пачатку ХІХ ст. Востраў узгадваецца ў дакументах (рэвізскіх казках) як невялікае сяло, якое належала памешчыкам Абуховічам. Паводле перапісу 1897 г. вёска Круговіцкай воласці Слуцкага павета Мінскай губерні, 59 двароў, 389 жыхароў, працавалі піцейны дом, хлебазапасны магазін.

З 1921 г. ў складзе Польшчы, вёска Круговіцкай гміны Лунінецкага павета Палескага ваяводства, 84 дамы, 459 жыхароў (з іх 454 беларусы, усе праваслаўныя).

З 1939 г. ў БССР. З 15.01.1940 г. вёска ў складзе Ганцавіцкага раёна Пінскай вобласці, з 12.10.1940 г. ў Лактышоўскім с/с (з 1954 г. Нацкі). У 1940 г. 113 двароў, 684 жыхары.

У Вялікую Айчынную вайну з 30.06.1941 г. да 07.07.1944 г. акупіравана нямецка-фашысцкімі захопнікамі. Побач з вёскай дзейнічалі партызаны брыгады імя Леніна Пінскага злучэння; з фронту не вярнуліся 57 воінаў-землякоў.

З 08.01.1954 г. у Брэсцкай вобласці. Паводле перапісу 1959 г. ў вёсцы 508 жыхароў. З 25.12.1962 г. да 30.07.1966 г. ў Ляхавіцкім раёне. Паводле перапісу 1970 г. 406 жыхароў.

Фельчарска-акушэрскі пункт

Будынак пошты

Дзейнічаюць Дом культуры, бібліятэка, аддзяленне сувязі, комплексны прыёмны пункт бытавога абслугоўвання, фельчарска-акушэрскі пункт, магазін. У 1973 г. ўстаноўлены помнік (скульптура савецкага воіна) на ўшанаванне памяці землякоў, якія загінулі ў Вялікую Айчынную вайну, які ў 2015 годзе быў заменены на новы.

Востраў, Остров, Помнік землякам
Помнік землякам, у 2015 годзе заменены на новы

Новы помнік землякам

Планіровачна складаецца з 2 вуліц, арыентаваных з захаду на ўсход (загіб адной з іх ва ўсходняй частцы на поўнач перасякае другую), перасечаных у заходняй частцы трэцяй вуліцай, арыентаванай з паўночнага захаду на поўдзень.

Востраў, Остров, Міхась Рудкоўскі
Мемарыяльная дошка Міхасю Рудкоўскаму ў будынку школы

Востраў, Остров, Міхась Рудкоўскі
Помнік на магіле Міхася Рудкоўскага

Вёска — радзіма беларускага пісьменніка Міхася Рудкоўскага (1936 — 1991 гг.); яго імя прысвоена мясцовай школе, створаны музей М.Рудкоўскага).
Падрыхтавана паводле кнігі Гарады і вёскі Беларусі: Энцыклапедыя ў 15 тамах. Т. 3, кн. 1. Брэсцкая вобласць / пад навук. рэд. А. І. Лакоткі. — Мн.: БелЭн, 2006.


Меню
Відэаканал GantsRegion
Уваход

Пошук
Катэгорыі раздзелу
Публікацыі [249]
Каталог файлаў [96]
Малая краязнаўчая энцыклапедыя [115]
Культура [136]
Адукацыя [12]
Спорт [441]
Здарэнні [109]
Грамадства [227]
Эканоміка [10]
Транспарт [66]
Блог [6]
Падарожнічаем разам [7]
Каляндар
«  Жнівень 2017  »
ПанАўтСерЧацПятСубНяд
 123456
78910111213
14151617181920
21222324252627
28293031
Хто тут?
Анлайн усяго: 2
Гасцей: 2
Карыстальнікаў: 0

Статыстыка і партнёры
Каталог TUT.BY Яндекс цитирования Museum.by
Тэгi

Шаноўныя сябры!

Калі вы маеце нейкую інфармацыю пра гісторыю, культуру, этнаграфію Ганцаўшчыны і хацелі б яе змясціць у сеціве,
вы можаце звязацца з намі напісаўшы ў форму зваротнай сувязі.