КРЫШЫЛАВІЧЫ (Крышиловичи - русс.) — вёска ў складзе Нацкага с/с, за 24 км на паўночнага усходу ад горада і чыгуначнай станцыі Ганцавічы (на лініі Лунінец — Баранавічы), на левым беразе ракі Нача. 35 жыхароў (14.10.2009 г.), на сакавік 2015 года 24 жыхары, на 1 студзеня 2018 года 19 жыхароў.


У 19 — пачатку 20 ст. Крышылавічы — вёска Круговіцкай воласці Слуцкага павета Мінскай губерні, уласнасць Абуховічаў. Паводле перапісу 1897 г. — 37 двароў 312 жыхароў піцейны дом. У 1909 г. — 49 двароў, каля 350 жыхароў.

З 1921 г. ў складзе Польшчы, вёска Круговіцкай гміны Лунінецкага павета Палескага ваяводства, 61 дом, 381 жыхар. З 1939 г. ў складзе БССР.

3 15.01.1940 г. ў Ганцавіцкім раёне Пінскай вобласці.

У Вялікую Айчынную вайну з 30.06.1941 г. да 08.07.1944 г. вёска акупіравана нямяцка-фашысцкімі захопнікамі. У навакольных лясах супраць акупантаў дзейнічалі партызаны брыгады імя Леніна Пінскага злучэння. На франтах вайны загінулі ў баях, памерлі ад ран ці прапалі без вестак 13 аднавяскоўцаў.

З 08.01.1954 г. ў Брэсцкай вобласці. Паводле перапісу 1959 г. 232 жыхары. З 25.12.1962 г. да 30.07.1966 г. ў Ляхавіцкім раёне. Паводле перапісу 1970 г. — 287 жыхароў, магазін.

Забудова рэдкая, выцягнутая з паўднёвага усходу на поўначы заходу. Каля вёскі знаходзіцца радовішча цагельных глін.