Чацвер, 28.03.2024, 20:42

КУКАВА-БОР

Галоўная »
КУКАВА-БОР (Куково-Бор - русс.) — вёска ў складзе Нацкага с/с, за 17 км на паўночны ўсход ад горада і чугуначнай станцыі Ганцавічы (на лініі ЛунінецБаранавічы). 53 двары, 69 жыхароў (14.10.2010 г.), на сакавік 2015 года 65 жыхароў.



Уезд у населены пункт

У пачатку 20 ст. ў Круговіцкай воласці Слуцкага павета Мінскай губерні з назвай Бор былі вядомы 2 урочышчы, адно з якіх належала Абуховічам, другое — Радзівілам. У абодвух урочышчах у 1909 г. было 3 двары, 97 жыхароў. Пазней іх пачалі лічыць за адно паселішча, якое сталі называць Кукава-Бор.

Прыдарожны крыж на ўедзе ў вёску

З сакавіка 1921 г. ў складзе Польшчы, асада Круговіцкай гміны Лунінецкага павета Палескага ваяводства, у верасні 1921 г. 3 двары, 22 жыхары.

З 1939 г. ў складзе БССР. З 15.01.1940 г. вёска складзе Ганцавіцкага раёна Пінскай вобласці, з 12.10.1940 г. ў Лактышскім (з 1554 г. Нацкі) с/с.

У Вялікую Айчынную вайну з 30.06.1941 г. да 07.07.1944 г. Кукава-Бор акупіраваны нямецка-фашысцкімі захопнікамі. На франтах вайны загінулі ў баях, прапалі без вестак ці памерлі ад ран 5 воінаў-землякоў.

Будынак былога сельскага клуба

Будынак былога магазіна

Паводле перапісу 1959 г. Кукава-Бор — хутары, 405 жыхароў. 3 25.12.1962 г. да 30.7.1966 г. ў Ляхавіцкім раёне. Паводле перапісу 1970 г. вёска, 361 жыхар.

Вуліцы вёскі

Аснову забудовы складаюць 2 прамалінейныя, двухбакова забудаваныя вуліцы; адна з іх арыентавана з паўночны захад на паўднёвы ўсход (з паўночнага захаду і захаду да яе прымыкае шэраг адасобленых участкаў забудовы), яе паўднёва-усходні канец перасякае другая вуліца, арганізаваная з паўднёвага заходу на паўночны ўсход.

Падрыхтавана паводле кнігі Гарады і вёскі Беларусі: Энцыклапедыя ў 15 тамах. Т. 3, кн. 1. Брэсцкая вобласць / пад навук. рэд. А. І. Лакоткі. — Мн.: БелЭн, 2006.


Меню
Відэаканал GantsRegion
Уваход

Пошук
Катэгорыі раздзелу
Публікацыі [252]
Каталог файлаў [100]
Малая краязнаўчая энцыклапедыя [115]
Культура [194]
Адукацыя [37]
Спорт [1380]
Здарэнні [462]
Грамадства [465]
Эканоміка [36]
Транспарт [141]
Блог [6]
Падарожнічаем разам [18]
Каляндар
«  Сакавік 2024  »
ПанАўтСерЧацПятСубНяд
    123
45678910
11121314151617
18192021222324
25262728293031
Хто тут?
Анлайн усяго: 4
Гасцей: 4
Карыстальнікаў: 0

Статыстыка і партнёры
Яндекс цитирования Museum.by
Тэгi

Шаноўныя сябры!

Калі вы маеце нейкую інфармацыю пра гісторыю, культуру, этнаграфію Ганцаўшчыны і хацелі б яе змясціць у сеціве,
вы можаце звязацца з намі напісаўшы ў форму зваротнай сувязі.