«АБЭРАК»Галоўная »
«АБЭРАК» — гарадскі бытавы танец. Музычны памер 3-дольны. Тэмп хуткі. Асобныя фігуры — характэрныя пагойдванні ў кручэннях, абабяганне дзяўчынай вакол укленчанага кавалера і інш, — нагадваюць фігуры аднайменнага польскага народнага танца. Выконваецца неабмежаванай колькасцю пар, пастава рук у пары адвольная, але найбольш характэрнай лічыцца падтрымка (правая рука юнака злучана «кісць у кісць» з левай рукой дзяўчыны на ўзроўні таліі). Малюнак танца — круг, асноўны рух — падэбаск (танцавальны pyx у выглядзе нечаканай змены ног у скачку з наступным пераступаннем), простыя і акцэнтаваныя крокі, павароты дзяўчыны пад рукой юнака і ў пары. У канцы 19 — пачатку 20 ст. быў пашыраны ў паўночна-заходніх абласцях Беларусі. |