АДАПТАЦЬІЯГалоўная »
АДАПТАЦЫЯ (ад позналац. adaptatio прыстасаванне) у этнаграфіі — прыстасаванне чалавека або этнічнай групы да кліматычных, геаграфічных, сацыяльна-эканамічных, культурна-бытавых і інш. умоў жыцця, што ўплывае на станаўленне пэўнага ладу жыцця, псіхалогіі, культуры. Пачатковы этап аб'яднальных этнічных працэсаў.
Вызначаецца дзейснай, актыўнай прыродай чалавека, яго мэтамі, сацыяльнымі нормамі, спосабамі іх дасягнення і санкцыямі за парушэнне гэтых норм. Сродкамі адаптацыі выступаюць мова, калектыўныя традыцыі, абрады? звычаі, якія залежаць ад узроўню развіцця культуры. Значэнне адаптацыі ўзрастае ў сувязі з паскарэннем тэмпаў сацыяльных змен, якія закранаюць важныя бакі жыцця (міграцыя, узроставыя змены, развіццё прамысловасці, перамяшчэнне вялікіх мас сельскага насельніцтва ў горад, уздзеянне чалавека на агульнапланетарныя працэсы). |