АГНІШЧА, вогнішча — адкрытая пляцоўка для распальвання і падтрымання агню. Лакальная назва агмень. Вядома з ранняга палеаліту.

У познім палеаліце агнішча абкладалі камянямі, часам абмазвалі глінай. У многіх народаў агнішча лічылася свяшчэнным месцам жылля, іграла важную ролю ў сямейных абрадах абшчыны.

I ў больш позні час агнішча служыла для вытворчых патрэб: у кавальскай справе, пры абпальванні ганчарных вырабаў і інш. У фальварках размяшчаліся ў кухнях, броварах і інш.; былі мураваныя або абкладваліся дрэвам. У ўсходне-славянскіх народаў на аснове агнішчаў ўзніклі камін і печ.