АСНОВА — падоўжныя ніткі тканіны. У хатнім ткацтве найбольш пашырана аснова з ільняной пражы. Для дэкаратыўных ручнікоў, настольнікаў, навалачак, посцілак, жаночых кашуль, намітак выкарыстоўвалі тонкую кужэльную пражу. Для вырабу верхняга і мужчынскага паяснога адзення, тканін утылітарнага прызначэння (радзюжак, ручнікоў-уціральнікаў і інш.)

Асновай служыла зрэбная, больш грубая (абдзіркавая) пража. Суконныя ніткі ў якасці асновы выкарыстоўвалі рэдка — звычайна для вырабу андаракоў і сукна. У сучасным ткацтве для асновы бяруць розныя ніткі фабрычнай вытворчасці.