АЖУРНАЕ ТКАЦТВА — від народнага ткацтва. Найбольшае распаўсюджанне мела ў канцы 19 — пачатку 20 ст. на Віцебшчыне, сустракалася на Палессі і Падняпроўі. Ажурныя тканіны (рэдчыкі) для фіранак, полагаў, ручнікоў, абрусаў, посцілак выраблялі з ільну рознымі спосабамі: разрэджанай пераборкай у бёрда і парнай перавіўкай ніцей асновы ў працэсе ткання; пропускам незатканых падоўжаных і папярочных палосак з далейшай перавіўкай у іх свабодных ніцей асновы і ўтку.

Ажурнае ткацтва вызначаецца шэра-белым серабрыстым каларытам, дакладнасцю ажурнага арнаменту.