БАБКА — традыцыйная беларуская страва. Лакальныя назвы таркаванка, агульнік, дзед, дранка, маўчун, бульбяная
каша. Драную
бульбу заскварваюць салам, мясам з цыбуляю і іншымі спецыямі, перамешваюць, выкладваюць у змазаны тлушчам посуд і запякаюць у гарачым духу. Часам у бабку дадаюць муку, крупы, грыбы і інш.
Гатовую бабку звычайна прыпраўляюць маслам ці салам або падаюць з малаком, смятанай, настоем з брусніц, журавін, бярозавым сокам.
Была распаўсюджана ў паўднёва-заходніх, заходніх і цэнтральных раёнах Беларусі. У наш час вядома паўсюдна.