БАБРУЙСКАЯ КЕРАМІКА —
ганчарныя вырабы майстроў з г.
Бабруйск. Промысел вядомы з даўніх часоў. У канцы 19 — пачатку 20 ст. ў Бабруйску працавала каля 60 майстроў. Выраблялі дымлёныя (так званыя сінія), а з 1930-х г. паліваныя рэчы. Рабілі посуд: гаршкі, збаны, гладышы,
глякі, слаі, формы, міскі, макатры, вазоны, талеркі,
букетнікі, вугольнікі (4 гаршчочкі, злучаныя разам і змацаваныя ручкай) і інш. Выраблялі таксама дробную пластыку (бараноў, ільвоў, мядзведзяў), цацкі. Гаршкі, міскі, макатры, вазоны былі 5 памераў, кожны з якіх меў сваю назву: вярэйка (
гаршчок каля 4 л), абеднік (2 л), укладыш большы (1 л) і інш.
Своеасаблівасць мастацкага выгляду керамікі вызначалі мясцовая сыравіна, майстэрства рамеснікаў, тэхналагічны ўзровень вытворчасці, традыцыі. Бабруйскай керамікі вылучаюць своеасаблівыя прапорцыі, спалучэнне бясколернай палівы з багатым каларытам светла-чырвоных глін, сціплае дэкарыраванне абводкамі і штампікамі, асаблівасці ў канструкцыі накрывак і ручак.