БАГОР, бусакГалоўная »
БАГОР, бусак — 1) прылада для падцягвання бярвёнаў у вадзе на сплаве; шост з вострым металічным наканечнікам, ад якога адгаліноўваецца такі ж востры крук. Лакальная назва басак. Выкарыстоўваецца ў плытагонстве, пры тушэнні пажару і інш.
2) Традыцыйная рыбалоўная прылада; дрэўка з адным або двума металічнымі крукамі на канцы. Прызначаўся для лоўлі рыбы ў палонках: рыбак падводзіў пад рыбіну крук, рэзкім рухам падчэпліваў яе і выкідваў на лёд. Быў характэрны для рыбалоўства на Паазер'і. У наш час лоўля багром забаронена. |