БАЙДАК — пласкадоннае драўлянае грузавое судна з двухсхільным дахам і мачтай. Hoc і карма звужаныя, прычым карма амаль вертыкальная, нос з невялікім развалам, бакі крыху разгорнутыя. Даўжыня 25 — 53 м, шырыня 4 — 10 м, грузападымальнасць 80 — 250 т.

Па канструкцыі самае вузкае, адносна сваёй даўжыні, і непаваротлівае судна. Хадзіла ўверх і ўніз па цячэнню ракі пад ветразем, служыла да 10 гадоў. Будавалі байдакі ў басейнах Дняпра і Прыпяці. На Сожы, Бярэзіне, Піне выкарыстоўвалі судны меншых памераў — паўбайдакі (грузападымальнасцю 40 — 80 т).

Байдак з'явіўся на Беларусі ў 16 ст., у сярэдзіне 19 ст. выцеснены больш зручнай берлінай.