БЯЗМЕН — 1) даўняя ручная рычажная вага. Металічны або драўляны стрыжань з пастаянным грузам (гірай) на адным канцы і кручком ці чашкай для ўтрымання грузу на другім. На стрыжні шкала адліку і рухомая апора — абойма ці драцяная пятля. Карысталіся бязменам пераважна ў народным побыце. Часам бязменам называюць ручную спружынную вагу.
Драўляны бязмен
Металічны бязмен
2) Даўняя мера масы на Беларусі, велічыня якой у розныя часы мянялася ад 6 да 10 фунтаў.
Калі вы маеце нейкую інфармацыю пра гісторыю, культуру, этнаграфію Ганцаўшчыны і хацелі б яе змясціць у сеціве,
вы можаце звязацца з намі напісаўшы ў форму зваротнай сувязі.