БОРТНІКІ — пчаляры, якія займаліся ўтрыманнем і доглядам баровак (лясных пчол) у борцях. Лакальныя назвы барцялазы, вотчыны.

Бортнікі рабілі новыя борці і засялялі іх, рыхтавалі прынаду для раёў, чысцілі борці, выбіралі мёд, ахоўвалі пчол ад неспрыяльнага надвор'я (дажджу, вільгаці, марозу), шкоднікаў (мядзведзяў, мурашак).

Умельства бортнікаў перадавалася з пакалення ў пакаленне і ў шмат якіх сем'ях бортніцтва было спадчынным на працягу стагоддзяў.