БРАЗГОТКІ, бразгуны, бразгаўкі — 1) агульная назва многіх народных самагучальных інструментаў: шархуноў, званкоў, талерачак (састаўных частак бубна), трашчоткі і ўласна бразготкі.

2) Уласна бразготка служыла дзіцячай цацкай, ужывалася як сігнальны інструмент у начным старажоўстве. Маюць выгляд: драўляны корпус прамавугольнай формы з ручкай. Унутры корпуса на прымацаванай да яго адным канцом нітцы нанізана жменя высушанага насення бабовых. На Беларусі пашыраны таксама ў выглядзе звычайнай скрыначкі з некалькімі каменьчыкамі або невялікімі шарыкамі ўнутры, замацаванымі пасярэдзіне свабодна нацягнутай ніткай. У наш час вядомы як ансамблевы рытмічна-каларыстычны інструмент.