БЫКАВА ВАСІЛЯ СЯДЗІБА-МУЗЕЙГалоўная »
БЫКАВА ВАСІЛЯ СЯДЗІБА-МУЗЕЙ заснаваны на радзіме народнага пісьменніка Беларусі В.Быкава ў в.Бычкі Ушацкага раёна паводле рашэння Ушацкага раённага Савета дэпутатаў ад 19.02.2004 г. і распараджэння Віцебскага аблвыканкама ад 01.03.2004 г. Адкрыты для наведвальнікаў 18.06.2004 г. Філіял Ушацкага музея народнай славы імя У.Е.Лабанка. Даглядае музей А.А.Быкава, жонка малодшага брата пісьменніка.
Музей размешчаны ў адноўленай сядзібе сям'і Быкавых. На тэрыторыі сядзібы — хата, у якой прайшло дзяцінства В.Быкава, хлеў, гумно. Вакол хаты — дрэвы, пасаджаныя бацькам пісьменніка. У хаце плошчай 49 м² этнаграфічна-бытавая экспазіцыя, дзе размешчаны прадметы хатняга ўжытку (альбо іх аналагі), якімі карысталася сям'я Быкавых. Захоўваюцца таксама кнігі з аўтографамі паэтаў і пісьменнікаў Беларусі, Расіі, Украіны, іншых дзяржаў. Сярод экспанатаў — копіі малюнкаў В.Быкава, стужка ганаровага жыхара Ушацкага раёна, асабістыя рэчы пісьменніка.
Адрас: в.Бычкі, Ушацкі раён, Віцебская вобласць Тэл.: +375-215821-092 (папярэдні заказ экскурсій)
|