ДАЙНОВА – заходнебалцкае племя, якое разам з яцвягамі было сфармавана ў адзін племянны саюз.
Як лічаць асобныя навукоўцы, яно знаходзілася з канца І тысячагоддзя новай эры на тэрыторыі паміж р.Нёман і вярхоўямі р.Нараў. У XIII ст. шмат пацярпела ад заваёўніцкіх нападаў Тэўтонскага ордэна. Дайноўскае ўдзельнае княства ўпамінаецца ў грамаце Міндоўга за 1259 г. У 1270-я гг. ім валодаў князь Трайдзень (? – 1282 гг.), які пасля пагібелі
Войшалка быў запрошаны на княжанне
ВКЛ, працягваў ягоную палітыку ўмацавання дзяржавы, змагаючыся з нальшчанскімі феадаламі, галіцка-валынскімі князямі і ведучы гібкую палітыку з Тэўтонскім ордэнам.
Паступова Дайнова была асімілявана славянамі і літоўцамі.
Крыніца: Краязнаўчая газета