ДЛУГАШ ЯН – польскі гісторык, дыпламат і рэлігійны дзеяч.

Адзін з аўтараў шырока вядомага даследавання «Гісторыя Польшчы» (12 кніг на лацінскай мове, напісаныя ў 1455-1480 гг.), што сталася значным дасягненнем гістарычнай прозы. У ім падрабязна апісаныя і гісторыя ВКЛ, барацьба з крыжакамі, Масковіяй, узаемадачыненні з Польшчай, а таксама ёсць звесткі пра гаспадаранне і звычаі старажытных ліцьвінаў (насельнікаў усяго ВКЛ), пра асобныя беларускія гарады і мястэчкі (Берасце, Наваградак, Слонім, Пінск і інш.), змешчаны геаграфічны нарыс земляў ВКЛ.

Многія творы Яна Длугаша напісаныя на аснове расказаў жывых сведак падзей, іхніх асабістых уражанняў. Для маладых гісторыкаў, пісьменнікаў, мастакоў і інш., бясспрэчна, будзе цікава азнаёміцца з апісаннем Янам Длугашам Грунвальдскай бітвы 1410 г., дзе выкарыстана беларуская хроніка «Летапісец вялікіх князёў літоўскіх» (глядзіце «Грюнвальдская битва». М.; Л., 1962).