"ДУДАЧКА" – традыцыйны танец. Лакальная назва «Дударыкі». Назву атрымаў, відаць, ад распаўсюджанага ў мінулым музычнага інструмента — дудачкі, пад якую выконваліся танцы.

У адным з варыянтаў яго танцавалі па крузе, мужчыны ішлі ўпрысядкі, у другім — два рады выканаўцаў станавіліся насупраць і па чарзе наступалі адзін на аднаго і адступалі, невысока ўзнімаючы выцягнутыя ўперад ногі.

Зафіксаваны на Брэстчыне і Гомельшчыне.