ДЗЕРАВЯШКІ, дзеравянікі, клумпы – драўляны абутак, які насілі вясной і восенню. Былі двух відаў: абутак, выдзеўбаны з куска дрэва, з круглым або завостраным наском, і камбінаваныя туфлі на нізкім альбо на высокім абцасе, да драўлянай падэшвы якіх прымацоўваліся скураны верх ці шырокая скураная палоса.

Дзеравяшкі мелі ўжытак ў XIX – пачатку XX стст. пераважна на Гродзеншчыне і на захадзе Віцебшчыны, часамі і ў іншых рэгіёнах.