ДЗЕСЯЦІНА – даўняя адзінка вымярэння зямельнай плошчы, якой карысталіся да ўвядзення метрычнай сістэмы мер. Вядома ў Кіеўскай Русі, пазней у Расіі, на Беларусі і Украіне. Плошча ў форме квадрата або прамавугольніка, адзін з бакоў якога раўняўся 1/10 вярсты (50 сажняў), адсюль і назва.
Найбольш пашырана была так званая новая (казённая) дзесяціна = 2400 квадратных сажняў, гаспадарчая, або косая, дзесяціна = 3200 квадратных сажняў, гаспадарчая круглая дзесяціна = 3600 квадратных сажняў, соценная дзесяціна = 10 000 квадратных сажняў і інш.
Крыніца: Этнаграфія Беларусі: энцыклапедыя / Беларуская Савецкая Энцыклапедыя; рэдкалегія: І.П. Шамякін (галоўны рэдактар) [і інш.]. - Мінск: БелСЭ, 1989. - 375 с.
