Серада, 23.08.2017, 22:14

ГАЙЦЮНІШКІНСКАЯ КАПЛІЦА


ГАЙЦЮНІШКІНСКАЯ КАПЛІЦА размяшчаецца ў полі за 0,5 км на ўсход ад вёскі Гайцюнішкі Воранаўскага раёна Гродзенскай вобласці.


Пабудавана ў 1614 (1633) г. на сродкі Зюзаны Нонхарт з цэглы як кальвінскі збор і пахавальня сям'і Нонхартаў (пазней Сцяцкевічаў), з якіх будаўнік і начальнік каралеўскіх будынкаў у Вільні галандскі архітэктар П.Нонхарт разам з інжынерам-фартыфікатарам ван Дадэнам узвёў суседні дом-крэпасць. У 1757 г. архітэктар І.К.Глаўбіц узвёў пры капліцы плябанію ў стылі барока. Капліца захавалася ў руінах.

Помнік архітэктуры готыкі і рэнесансу, з рысамі абарончага дойлідства. Да прамавугольнага ў плане аб'ёму (быў накрыты чарапічным вальмавым дахам) далучалася такая ж апсіда. Сцены расчлянёны арачнымі аконнымі праёмамі, апяразаны прафіляваным карнізам і ўмацаваны магутнымі контрфорсамі, схілы якіх накрыты чарапіцай. Вось сіметрыі галоўнага фасада вылучалі лучковы праём увахода, арачнае акно хораў і чацверыковая сігнатурка-званічка над карнізам. У інтэр'еры зала перакрыта цыліндрычным скляпеннем на распалубках. Пад капліцай крыпта.

Крыніца: Кулагін А. М. Каталіцкія храмы Беларусі: Энцыкл. даведнік / А. М. Кулагін;
фатограф А. Л. Дыбоўскі. — 2-е выд. — Мн.: БелЭн, 2008. — 488 с.: іл.

Меню
Відэаканал GantsRegion
Уваход

Пошук
Катэгорыі раздзелу
Публікацыі [249]
Каталог файлаў [96]
Малая краязнаўчая энцыклапедыя [115]
Культура [136]
Адукацыя [12]
Спорт [441]
Здарэнні [109]
Грамадства [227]
Эканоміка [10]
Транспарт [66]
Блог [6]
Падарожнічаем разам [7]
Каляндар
«  Жнівень 2017  »
ПанАўтСерЧацПятСубНяд
 123456
78910111213
14151617181920
21222324252627
28293031
Хто тут?
Анлайн усяго: 2
Гасцей: 1
Карыстальнікаў: 1

vitalis
Статыстыка і партнёры
Каталог TUT.BY Яндекс цитирования Museum.by
Тэгi

Шаноўныя сябры!

Калі вы маеце нейкую інфармацыю пра гісторыю, культуру, этнаграфію Ганцаўшчыны і хацелі б яе змясціць у сеціве,
вы можаце звязацца з намі напісаўшы ў форму зваротнай сувязі.