ГАНЧАРНЯ – майстэрня
ганчара; спецыяльнае памяшканне для вытворчасці ганчарных вырабаў саматужным спосабам. У 19 – 1-й паловы 20 ст. ганчарні меліся ў заможных майстроў у Гродне, Барысаве, Івянцы, Ракаве, Ружанах і інш. Вясковыя, большасць гарадскіх і местачковых ганчароў працавалі ў хаце.
Тыповая ганчарня, дзе разам з яе ўладальнікамі працавала некалькі чалавек, уяўляла сабой цаглянае збудаванне з 2 памяшканнямі. У адным памяшканні ўздоўж сцен стаялі
лавы з
ганчарнымі кругамі (побач з уваходам быў гліннік – месца для захоўвання гліны), у другім –
ганчарны горан закрытага тыпу і прылады працы для падрыхтоўкі палівы. Уздоўж сцен і пад столлю ў абодвух памяшканнях былі паліцы для гатовай прадукцыі і сушэння сфармаваных вырабаў.