ГРОДЗЕНСКІ КАСЦЁЛ БЕЗЗАГАННАГА ЗАЧАЦЦЯ НАЙСВЯЦЕЙШАЙ ДЗЕВЫ МАРЫІ размяшчаецца ў горадзе Гродна на вуліцы Цэнтральнай. Пабудаваны ў 1999 г. з цэглы.

Твор сучаснай авангарднай архітэктуры. Вырашаны двух'яруснай аб'ёмна-прасторавай кампазіцыяй з трох нефаў, завершанай на шматгранным франтальным фасадзе двухграннай V-падобнай вежай-званіцай з крыжом у завяршэнні. Над двухсхільным дахам гранёная шатровая сігнатурка. Вокны разнастайнай канфігурацыі маюць вітражна-колернае зашкленне. Унутры над уваходам шырокая галерэя хораў.