«ГУСЬКІ»Галоўная »
«ГУСЬКІ» — народная гульня. На краі круглай ледзяной пляцоўкі дыяметрам 10 — 15 м выбіваюць «гнёзды» (ямкі дыяметрам 25 — 30 см). Удзельнікі гульні маюць калкі (палкі даўжынёю 1 — 1,2 м, раздвоеныя на канцы) і гуські (цуркі памерам 12 х 4 см). Кожны па чарзе кладзе гусёк у цэнтр пляцоўкі. Па сігналу астатнія гульцы ад сваіх «гнёздаў» бягуць да цэнтра і ўдарамі калкоў стараюцца загнаць гусёк у сваё «гняздо». Перамагае той, хто загоніць больш гуськоў. |