ІВАШКА МЯДЗВЕДЖАЕ ВУШКА, Іван Мядзведжы сын, Медзвядзюк – персанаж усходнеславянскіх народных чарадзейных казак (сустракаецца таксама ва украінскім і рускім фальклоры).

Юнак-асілак, які нараджаецца ад мядзведзя, валодае магутнай сілай, яшчэ большай, чым ягоныя памочнікі – сустрэчныя асілкі Вярнідуб і Вярнігара.

Большасці казак пра яго ўласцівая вострая сацыяльная накіраванасць – асілак змагаецца з царом, панам або папом і перамагае іх. У беларускіх казках гэты герой нярэдка надзелены фантастычнымі гіпербалізаванымі рысамі.