Галоўная | Рэгістрацыя | Уваход | RSS | Пятніца, 29.03.2024, 10:06 | ||||||||||||||||||||||||||||||||
ІЎЕГалоўная »ІЎЕ – гарадскі пасёлак, цэнтр Іўеўскага раёна на рацэ Іўянка. Вядомае з XV ст. як маёнтак П.Мандзігерда (з 1444 г.). З XVI ст. мястэчка Ашмянскага павета Віленскага ваяводства ВКЛ. У XVI – XVIII стст. ім валодалі Забжэзінскія, Кішкі, Сапегі, з 1752 г. – Агінскія, у XIX ст. – Тызенгаўзы і Замойскія. У 2-й палове XVI ст. пабудаваны кальвінскі збор, пры якім існавала школа (у 1585 – 1593 гг. рэктарам быў мысліцель-гуманіст, паэт-лацініст і педагог Ян Ліцыній Намыслоўскі). У пачатку XVII ст. пабудаваны мураваны касцёл і кляштар бернардзінцаў, драўляны парафіяльны касцёл (не збярогся), у 1765 г. – шпіталь. Вадзяны млын Сінагога Капліца каталіцкая Святой Варвары Царква Святога Гаўрыіла Беластоцкага У XVI – XIX стст. існавалі Іўеўскія сядзібы, злучаныя з гандлёвай плошчай дарогаю. Уключалі драўляны палац, пладовы і так званы «італьянскі» (з лабірынтамі і мураваным гротам) сады, гаспадарчы комплекс – жылыя дамы парабкаў, гумно з двума такамі, абора, адрына, стайні і інш. У будаўніцтве ўдзельнічалі мясцовыя дойліды з в.Дойліды Іўеўскага раёна: Валенты, Адам і Марцін Стасевічы, Юрка Тамковіч, Стась Самшэвіч, Пётр і Адам Сузыновічы, Сцяпан і Андрэй Рудыя, Сцяпан Капайла, Стась Лянцэвіч, Ян Банаюс. Манастыр бернардынцаў: жылы корпус, касцёл Святых Пятра і Паўла, статуя Іісуса Могілкі татарскія Мячэць На сёння захаваліся касцёл і кляштар бернардзінцаў, пабудаваны ў 1600 г., і драўляная мячэць (пабудаваная ў 1884 г.). |
|