КАЦЁЛКІ – прыстасаванне для ўмацавання нітоў у
кроснах. У некаторых мясцовасцях называлася чапёлкі, калясцы, ручкі. Амаль па ўсёй Беларусі бытавалі ў выглядзе брускоў, у патоўшчанай ніжняй частцы якіх пракручвалі адтуліны і ўстаўлялі рухомыя блочкі (іх колькасць залежала ад колькасці нітоў). Другі тып – цыліндр даўжынёй 15 – 16 см, дыяметрам 5 – 6 см з паглыбленнямі для мацавання вяровачак, на якіх падвешвалі ніты. Зрэдку такія кацёлкі ўпрыгожвалі разьбой з нескладаным геаметрычным малюнкам.