КАГАНЕЦ – свяцільня, даўнейшае прыстасаванне для асвятлення памяшкання. Называлі таксама светач. Гліняная, часам металічная пасудзіна, напоўненая тлушчам або алеем з апушчаным у яго кнотам.


У залежнасці ад паліва мянялася форма – ад латка і міскі да гаршчочка і глячка з вузкім вусцем. Каганец ставілі ці падвешвалі пад вусцем дымахода. У народным побыце ўжываўся побач з лучніком да пачатку XX ст.